مصطفى الجارحي يكتب: البلياتشو

مصطفى الجارحي

ضحَّكت طوب الأرض

بطول وعرض الزمن

ضحَّكت من غير تمن

والضحك سُنَّة وفرض.

بلياتشو وبوشِّين

فيه وش مش وشِّي

يا دمعتي كشِّي

قش الألم عشِّي

ولا عندي غير تفانين.

الروج على الوجنتين

أحمر كعرف الديك

الروح لها شبابيك

بافتحها من غير إذن

واعمل كأني عبيط

وانسى الزعل والحزن

مع شقلبة وتنطيط

بالوهم أرسم حيط

واطلعها زى الجن

واعمل ساعات عصفور

زقزق لطلة نور

واعمل كمان مكسور

وتشوفني أعرج بـ ازك

فى البحر أحدف قوارب

وأبقى مراكبي بشوارب

زى الكهارب تشك

وكأني ساعة بعقارب

أول ما تيجي المغارب

أمشي واقول تِك تِك.

***

بلياتشو يعني المرح

شغلانتي أزرع فرح

زي اللبن مغشوش

باشا بدون طربوش

إكمني ماشي ف حياه

ببسمة فوق الشفاه

شعري طويل منكوش

وعندي ياما وشوش

ألبسها ساعة الدور

وأعدي ع الدكتور

أشكي له م التأتأة

يقول لي اضحك بقى

خد حبّتين تفاريح

لا حَس إني جريح

ولا نصحني بأجازة

ولا قال صحيح.. معذور !

…………….

* من كتاب (المهن)
Advertisements

2 responses to “مصطفى الجارحي يكتب: البلياتشو

  1. (وعندي ياما وشوش
    ألبسها ساعة الدور
    وأعدي ع الدكتور
    أشكي له م التأتأة
    يقول لي اضحك بقى
    خد حبّتين تفاريح
    لا حَس إني جريح
    ولا نصحني بأجازة)
    ولا قال صحيح.. معذور !حبيبى يا جارحى….طول عمرك حقيقى.
    safa helmi

    إعجاب

شارك برأيك.. كتابة الإيميل والموقع ◄ «اختياري»

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s