مصطفى الجارحي: الورنيشجى

مصطفى الجارحي

مش مهم تكون عارفني

المهم تكون شايفني

بس دقَّق في النواصي

ع الرصيف من غير كراسي

في الميدان وبدون شماسي

أو في قهوة.. بس قاعد ع البلاط

بامشي دايماً ع الصراط المستقيم

تحت باطي فُرشتي

ع الكتاف صندوق قديم

فيه علب ورنيش.. وليه

ع الجوانب رفرفين

كل جنب عليه أزايز

فيها صبغة وخرقتين

بس عيني تبص دايماً ع الجزم

واللي بيني وبين زبوني نظرتين

نظرتين مالهمش تالت

رجلُه حطِّت رجلُه شالت

كل ده من خبطتين

ثم إيدك ع الحساب

كل ده من غير كلام

أصل انا من غير مؤاخذة

ورنيشجي عاشق للجزم

دايب غرام

أجمل ليالى العام شتا

لما المطر يجعلها وحل

يبقى شغلي زي نحل

مين بقى يقدر يلاحق

زي عيِّل في امتحانه

بس جاب كبشة ملاحق

رزق زي الرز آتي

رزق زي الفول حراتي

يا شتا محتاج بلاطي

بس انا محتاج أورنش

عيني مش ممكن هترمش

نظرتي ممكن تطاطي.

……………….

* من كتاب (المهن)
Advertisements

2 responses to “مصطفى الجارحي: الورنيشجى

شارك برأيك.. كتابة الإيميل والموقع ◄ «اختياري»

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s