ما اخبِّيش عليك.. سمير سعدي

سمير سعدي

ما اخبِّيش عليك

صعبان حال الناس على الناس

ازاي بتفتش في وشوشها على الضحكة

وماتلاقهاش

مش كانت هنا

إيه اللي رسمها عبوس!

 

ما اخبيش عليك

صعبانة عليَّا نفوس الناس

لمّا يضيع منها الإحساس.. بالناس

راح فين القلب الماس

خايف ترجع آخر الليل والشارع ضلمة؟!

طب من إمتى النور بيونّس قلب وحيد

النور بس بيرسم للواحد ضلّه الميّت على سور

وَنَسَك مش وَنَس النور في الأرض البور..

وَنَسَك في الأنفاس الراقية.. من جوّه الناس

 

ما اخبّيش عليك

لمّا اتهز الشجر الواقف م الريح

فرحت كل العصافير

ولمّا الغيمة رخّت مطرة على الشيش

ضحكت طفلة

، وهيّ بتحضن ماما، من صوت الرعد

وجريت قطة

تحت فوتيه أقرب ليها من النيش

وفرحنا.. لما الولد الحاضن بنت ع الكورنيش

طار من كفّه الجرنال

الحامي لشعرها والفستان الدانتلا أبو كرانيش

والست الشيك

لمّا اتفك الكيس النايلون من جزمتها ام كعب رفيع

وضحكنا لصورة راجل عمال يرقص وخفيف

لمّا العربية المارة بسرعة بلّت كل هدومه بطين الأرض

……..

……..

إزاي بعد التفاصيل

والدهشة اللي بتسكن في عنيك

تسألني!

ماتخبيش.. أرجوك ماتخبيش

لسّاها يا صاحبي الدنيا بخير

بس انت افتح قلبك للطير

ولفراشات الضي

واكتب نفسك كل اللحظات.. حي.

Advertisements

One response to “ما اخبِّيش عليك.. سمير سعدي

شارك برأيك.. كتابة الإيميل والموقع ◄ «اختياري»

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s